Trajneri i Manchester City-t, Pep Guardiola, raportohet se i ka kërkuar klubit të ndërpresë negociatat për një lojtar, pasi ai “nuk është në nivelin” që ai dëshiron.
Guardiola, 54 vjeç, e përfundoi sezonin 2024/25 pa asnjë trofe, pasi skuadra e tij e mbylli kampionatin në vendin e tretë në Premier League dhe humbi finalen e FA Cup ndaj Crystal Palace. Megjithatë, City ende mund të fitojë një trofe në sezonin e zgjatur nëse triumfon në formatin e ri të Kupës së Botës për Klube me 32 skuadra.
Sidoqoftë, rikthimi i fituesit të Topit të Artë 2024, Rodri, pritet ta forcojë skuadrën, ndërkohë që lojtarë të tjerë si Jack Grealish mund të largohen. Si rrjedhojë, pritet që City të jetë aktiv në merkato këtë verë.
Megjithatë, duke folur në fillim të majit, ish-trajneri i Barcelonës u shpreh se do të largohej nga posti nëse do t’i duhej të punonte me një skuadër të mbushur me lojtarë.
“Nuk dua të lë pesë apo gjashtë lojtarë në tribunë. Nuk e dua këtë. Do të dorëhiqem. Më mirë të kem një skuadër më të shkurtër dhe do të qëndroj. Është e pamundur për shpirtin tim t’i lë lojtarët e mi në tribunë, që nuk mund të luajnë.”
Në merkaton e janarit, City shtoi edhe më shumë thellësinë në skuadër me afrimet e Omar Marmoush, Nico Gonzalez, Abdukodir Khusanov, Vitor Reis dhe Juma Bah. Gjithashtu, janë lidhur me zëvendësues të mundshëm për Kevin De Bruyne, përfshirë emra si Morgan Gibbs-Ëhite, Florian Ëirtz dhe Rayan Cherki – megjithëse Liverpool është favorit për Ëirtz.
Një tjetër objektiv i përfolur ishte qendërmbrojtësi i Barcelonës dhe Uruguait, Ronald Araujo, por sipas “Football 365”, Guardiola i ka kërkuar drejtuesve të ndalojnë negociatat, pasi “ai nuk është në nivelin” që kërkon.
Presidenti i klubit, Khaldoon Al Mubarak, tha për faqen zyrtare të City-t: “Ky është edhe një vit tjetër ku, kur e kthej kokën pas, mendoj se ndoshta duhet të kishim qenë më agresivë me disa nga ndryshimet që duheshin bërë verën e kaluar. Ne i kemi identifikuar qartë objektivat, për çdo pozicion, kemi zgjedhjen e parë dhe të dytë. Do të veprojmë me qartësi dhe shpejtësi. Objektivi ynë është të jemi gati me skuadrën e re për Kupën e Botës për Klube.”
