Pep Guardiola beson se Kupa e Botës për Klube e FIFA-s ka treguar cilësinë në rritje të ekipeve jashtë Evropës, ndërsa Manchester City synon të ruajë rekordin e tij të përsosur në këtë turne.
City është një nga vetëm katër skuadrat evropiane që kanë mbajtur një rekord 100 për qind në këtë garë deri tani, duke iu bashkuar Bayern Munich, Juventus dhe Red Bull Salzburg.
Ndërkohë, disa klube të mëdha kanë hasur vështirësi, kampionët e Evropës, Paris Saint-Germain, humbën 1-0 ndaj Botafogos të Brazilit, ndërsa Chelsea, Real Madrid dhe Inter kanë lëshuar pikë në fillim të sezonit.
Në konferencën për shtyp para ndeshjes, Guardiola shprehu admirimin e tij për nivelin e lartë të konkurrencës dhe për larminë e stileve të futbollit që ofron ky turne.
“E dua këtë kompeticion. Më pëlqen të shoh si luajnë ekipet e Amerikës së Jugut ndaj skuadrave evropiane dhe nga kontinentet e tjera. Më pëlqen mënyra si sfidojnë, si konkurrojnë, si mbrohen,” tha ai.
Kur sheh Boca Juniors, çdo top është betejë. Ka stile të ndryshme, mënyra të ndryshme loje. Është vërtet, vërtet i mirë ky turne”.
“Çdo ndeshje është e vështirë. Shumë e vështirë. Njerëzit thonë: ‘Oh, skuadrat evropiane po humbin’. Mirë se vini në botën reale, miqtë e mi. Ata janë të mirë, dhe kjo më pëlqen”.
“Kjo është e vërteta: Brazili ka fituar gjashtë Kupa Bote. Argjentina po dominon vitet e fundit me Kupën e Botës dhe Kupën e Amerikës me Messin. Pse të mos i japim meritën që u takon? Ne jemi këtu për të luajtur kundër tyre, të tregojmë çfarë jemi si skuadër dhe të përgatitemi për sezonin e ardhshëm,” përfundoi Guardiola.
