Kreu i AAK-së, Ramush Haradinaj, ka reaguar në profilin e tij në ‘facebook’, duke thënë se tashmë “mafia energjetike nuk po fshihet më”.
Haradinaj ka përmendur kompaninë e vëllait të Luan Dalipit, që tashmë ka aplikuar për lincenim për tregti me energji elektrike në Kosovë.
Haradinaj ka thënë se krimi dhe korrupsioni në Kosovë po shpërfaqet gjithnjë e në forma më të rënda dhe sipas tij, fundi “s’do të jetë i mirë” për atë që e cilëson si “mafi energjetike”
“Ky krim dhe korrupsion, çdo 24 orë, po shfaqet në forma gjithnjë e më të rënda. Por kjo duhet të ketë një fund. Dhe ky fund nuk do të jetë i mirë për këtë mafi.Mbetet vetëm një pyetje për këtë popull: Kur është ai fund? Deri kur? Çfarë duhet të ndodhë më shumë se kaq?Kjo është gjendje e jashtëzakonshme dhe emergjencë kombëtare”, ka shkruar Haradinaj
Postimi i plotë:
Mafia energjetike nuk po fshihet më. Nën dritën e diellit, me emër e mbiemër, para syve të një populli të vjedhur, kompania e vëllaut të Luan Dalipit, shefit të kabinetit të kryeministrit pa legjitimitet Kurti, shpërblehet në emër të “tregut të lirë” për shit-blerje të energjisë. Çmimin dihet kush e paguan, qytetari i mashtruar.
Ky krim dhe korrupsion, çdo 24 orë, po shfaqet në forma gjithnjë e më të rënda. Por kjo duhet të ketë një fund. Dhe ky fund nuk do të jetë i mirë për këtë mafi.
Mbetet vetëm një pyetje për këtë popull: Kur është ai fund? Deri kur? Çfarë duhet të ndodhë më shumë se kaq?
Kjo është gjendje e jashtëzakonshme dhe emergjencë kombëtare.
