Njësia reaguese e Policisë ka arrestuar një person të kërkuar nga drejtësia, gjatë një kontrolli të realizuar më 7 maj 2025 në rrugën “Tahir Zemaj” në Fushë Kosovë.
Sinjali mëson ekskluzivisht se bëhet fjalë për Rrap Karkus, rreth 21-vjeçar, i cili pas verifikimit në sistemin e Policisë, ka rezultuar me urdhëresë aktive nga Gjykata Themelore në Ferizaj.
I riu ishte i dënuar me 1 vit burgim për veprën penale “Grabitja” dhe ishte në kërkim për t’i ikur vuajtjes së dënimit.
Menjëherë pas arrestimit, i njëjti është dërguar në burgun e Hajvalisë në Prishtinë, ku do ta vuajë dënimin e shqiptuar nga gjykata.
Policia, veprimet i ka ndërmarrë në përputhje të plotë me urdhëresën gjyqësore.
Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
