Valon Morina (30) dhe Burim Strumcaku (32), të shpallur në kërkim publik nga Policia e Kosovës, janë vetdorëzuar sot në stacionin e Policisë në Drenas.
Burimet e IndeksOnline kanë thënë se të dyshuarit janë paraqitur në mesditë dhe pas intervistimit, me urdhër të prokurorit janë dërguar në mbajtje.
Morina e Strumcaku u shpallën në kërkim nga policia duke iu publikuar edhe fotografitë e tyre për një rast të raportuar në nëntor të vitit të kaluar, nga dy femra.
Ato kishin deklaruar se pa dëshirën e tyre janë mbajtur të mbyllura në dy lokacione të ndryshme (Prishtinë dhe Drenas) si dhe janë sulmuar fizikisht nga personat e dyshuar./Raporto24/
