Ushtarët e Forcave Mbrojtëse të Izraelit që operojnë në zonën Jabalia të Rripit verior të Gazës, shkatërruan më shumë se 2.5 kilometra tunele të grupit militant Hamas.
Trupat nga Brigada e 401-të “Shigjetat e Hekurta”, që vepron nën komandën e Divizionit të 162-të, zbuluan tunele të përdorura nga militantët e Hamasit për qëndrime të zgjatura, transmeton Telegrafi.
Që nga fillimi i “Operacionit Karrocat e Gideonit” më 13 qershor, qindra militantë të Hamasit janë vrarë në beteja të ashpra, tha të hënën zëdhënësja e IDF-së, gjeneral brigade Effie Defrin.
“Në zonën Khan Yunis, Divizioni i 36-të i IDF-së vazhdon operacionet e tij për të zbuluar infrastrukturën dhe për të eliminuar militantët”, shtoi ai.
Defrin vuri në dukje se edhe në rajone të tjera – duke përfshirë Komandat Qendrore dhe Veriore – trupat izraelite “mbeten të vendosura në pozicione mbrojtëse dhe sulmuese për të mbrojtur banorët e Izraelit”.
Të dielën, kryeministri izraelit Benjamin Netanyahu njoftoi se forcat e sigurisë gjetën trupat e tre pengjeve të mbajtura nga Hamasi në Rripin e Gazës.
Operacioni, i kryer nga Agjencia e Sigurisë së Izraelit (Shin Bet) dhe IDF të shtunën, solli eshtrat e Ofra Keidar, Yonatan Samerano dhe rreshterit Shay Levinson. Të tre u rrëmbyen dhe u vranë gjatë sulmit të 7 tetorit 2023 nga Hamasi. /Telegrafi/
🚨𝗚𝗔𝗭𝗔 | IDF destroys 1.5 miles of terror tunnels in Gaza
𝗗𝗘𝗧𝗔𝗜𝗟𝗦▸ https://t.co/i6pO8IvLRM pic.twitter.com/th6I1iKmVN
— Jewish News Syndicate (@JNS_org) June 23, 2025
