Doha / Anbar, 23 qershor 2025 – Tensionet në Lindjen e Mesme kanë marrë përmasa të reja pas raportimeve se Irani ka sulmuar me raketa dy baza ushtarake amerikane, një në Katar dhe një tjetër në Irak.
Pas shpërthimeve të fuqishme të raportuara mbrëmë në Doha, është konfirmuar se baza amerikane Al Udeid në Katar ka qenë objektiv i një sulmi me të paktën gjashtë raketa balistike iraniane. Pamje të publikuara në rrjetet sociale tregojnë flakë dhe shpërthime në pjesë të ndryshme të qytetit,Trasmeto Raporto24
Vetëm pak orë më vonë, burime ushtarake në Irak kanë konfirmuar se baza Ain al-Asad në provincën Anbar është sulmuar me një raketë të lëshuar nga Irani. Sistemet e mbrojtjes ajrore janë aktivizuar me kohë, dhe deri tani nuk raportohet për dëme apo viktima.
Sipas autoriteteve iraniane, këto veprime janë pjesë e një hakmarrjeje të koordinuar, pas sulmeve ajrore që SHBA ndërmori më 22 qershor ndaj objekteve strategjike brenda Iranit. Operacioni iranian mban emrin “Lajmërimi i Fitores” dhe ka për qëllim, sipas Teheranit, “t’u japë një mesazh të qartë forcave pushtuese amerikane në rajon”.
Qeveria e Katarit ka mbyllur hapësirën ajrore, ndërsa ambasadat perëndimore në Doha dhe Bagdad kanë kërkuar nga qytetarët e tyre të strehohen në vend. Gjendja mbetet e tensionuar, ndërsa pritet reagimi zyrtar i Shteteve të Bashkuara.
📽 Shiko videon e shpërthimeve në Doha këtu: Kliko 👇🎥
🕊 Për më shumë informacione dhe zhvillime të reja, na ndiqni në Raporto24.
Shpërthime në Katar – Irani godet bazën amerikane, mbyllet hapësira ajrore në Doha
