Reforma e mësimit gjithditor në Prishtinë ka sjellë ndryshime të ndjeshme në jetën e përditshme të familjeve.
Jehona Lushaku Sadriu, kandidate e LDK-së, thekson se ky model ka ulur kostot për prindërit, pasi tashmë ata nuk kanë nevojë të paguajnë për qëndrimin ditor të fëmijëve.
“Jeta e familjeve është lehtësuar, është ulur kostoja, dhe gratë, veçanërisht nënat, tani kanë mundësi të punojnë, duke siguruar dy paga për mirëqenien e familjes,” deklaroi ajo.
Lushaku Sadriu vuri në dukje gjithashtu përfitimet për zhvillimin e fëmijëve: “Rritet koha e sportit, i ushqejmë shëndetshëm dhe, në përgjithësi, ngritet cilësia e arsimit
Ky model synon të zgjerohet në të gjithë Kosovën, duke e afruar vendin me standardet evropiane. Në Bashkimin Evropian, fëmijët qëndrojnë në shkollë dyfish më shumë kohë, duke përfituar nga një zhvillim më i plotë personal dhe akademik.
“Ky është një investim i drejtpërdrejtë në familjet dhe fëmijët tanë, duke ndërtuar një Kosovë më të barabartë dhe më afër Evropës,” përfundoi ajo.
