Justin Bieber ka ndarë për herë të parë foto të rralla me djalin e tij Jack Blues Bieber, pak ditë para Ditës së Babait, por postimi i tij në Instagram ka habitur fansat për shkak të një emoji të papritur dhe të fortë që e shoqëronte.
Në disa foto, këngëtari shfaqet me veshje të thjeshta, ndërsa djali i tij shfaqet i qetë dhe i mbështetur në krahët e babait. Megjithatë, përshkrimi i postimit ishte një emoji me gishtin e mesit, gjë që nxiti reagime të shumta nga ndjekësit, të cilët e pyetën pse përdori një simbol të tillë pranë imazheve të djalit të tij.
Ky postim vjen pas një periudhe ku Justin ka shfaqur sjellje të çuditshme në rrjetet sociale, duke krijuar shqetësim për gjendjen e tij emocionale. Në postime të tjera, ai ka ndarë edhe foto nga fëmijëria e tij, gjithmonë me të njëjtin emoji, ndërsa në disa momente shihet edhe duke tymosur pranë vendit ku qëndronte djali.
