Skandali me ryshfet trondit Policinë e Kosovës. Sot janë arrestuar dy zyrtarë policorë nga Njësia Rajonale e Trafikut Rrugor në Pejë, dhe të njëjtit janë ndaluar me urdhër të Prokurorisë, raporton Gazeta Sinjali.
Sinjali mëson ekskluzivisht se të dyshuarit janë Ali Shkodrani dhe Sulltan Kadrija.
Dyshimet e para tregojnë se këta zyrtarë policorë janë përfshirë në veprën penale “Marrja e ryshfetit”, vepër e sanksionuar me nenin 421 të Kodit Penal të Republikës së Kosovës.
Prokurori kujdestar i Prokurorisë Themelore në Pejë ka lëshuar vendim për ndalimin e tyre për 48 orë, ndërkohë që hetimet janë në zhvillim e sipër për të zbardhur plotësisht këtë rast.
