Kristian Prenga ka dhuruar një paraqitje të jashtëzakonshme në ringun e Atlantic City, duke përfunduar ndeshjen brenda vetëm 30 sekondash. Në duelin kundër amerikanit Brandon Carmack, boksieri shqiptar tregoi forcë, teknikë dhe vendosmëri të hekurt.
Që në sekondat e para, Prenga shpërtheu me një seri goditjesh të fuqishme, të cilat e detyruan Carmack-un të dorëzohej pa mundur të rikthehej në lojë. Ky triumf i shpejtë e rikonfirmon mirditorin si një nokautist të pamëshirshëm, me të gjitha 19 fitoret e karrierës të arritura me KO.
Atmosfera në Bally’s Atlantic City ishte elektrizuese, teksa tifozët shqiptarë shpërthyen në festë pas fitores së rrufeshme. Me këtë rezultat impresionues, Prenga forcon pozitën e tij në skenën ndërkombëtare dhe ngjitet edhe më lart si një nga emrat më premtues të boksit profesionist shqiptar./Raporto24/
