Kryeministrja e Zelandës së Re Jacinda Ardern ka anuluar dasmën e saj pasi njoftoi kufizime të reja për Covid-in. I gjithë vendi është vendosur nën nivelin më të lartë të kufizimeve për luftimin e pandemisë pas një shpërthimi të variantit Omicron.
Kufizimet përfshijnë mos lejimin e më shumë se 100 personave të vaksinuar të marrin pjesë në evente dhe mbajtjen e maska ve në dyqane dhe në transportin publik.
“Unë nuk jam ndryshe nga mijëra qytetarë të tjerë të Zelandës së Re që kanë pasur ndikime shumë më shkatërruese nga pandemia, gjëja më e rëndë e të cilave është paaftësia për të qenë pranë një familjari kur ishin të sëmurë rëndë”, tha kryeministrja.
Kufizimet e ashpra u vendosën pas konfirmimit të një vatre me 9 raste me Omicron në Zelandën e Re.
