Kryeministri i Kosovës, Albin Kurti, ka deklaruar se Aleanca për Ardhmërinë e Kosovës (AAK) arriti të kalojë pragun zgjedhor vetëm falë koalicionit me Nismën Socialdemokrate të Fatmir Limajt.
“AAK-ja nuk do ta kalonte pragun po të mos ishte në koalicion me Fatmir Limajn,” tha Kurti gjatë një deklarate për media, duke iu referuar zgjedhjeve të kaluara parlamentare.
Deklarata e Kurtit vjen në një kohë kur partitë politike po pozicionohen për zgjedhjet e ardhshme dhe për mundësinë e koalicioneve të reja. Ai shtoi se qytetarët kanë qenë të qartë në votën e tyre dhe se rezultatet e zgjedhjeve duhet të analizohen me kujdes.
