Kryeministri në detyrë Albin Kurti, sapo ka përfunduar një takim të përbashkët me ish-ambasadorin e OSBE-së William Walker dhe kryetarin e Nismës, Fatmir Limaj.
Takimi është mbajtur në objektin e Qeverisë të premten dhe siç mëson Tëvë1, temë e diskutimit ka qenë edhe formimi i institucioneve dhe dalja nga ngërçi i situatës politike për konstituimin e Kuvendit.
Një bashkëpuinim i mundshëm ndërmjet LVV-së dhe Nismës është përfolur që pas zgjedhjeve të 9 shkurtit.
Diskutimet për një gjë të tillë nuk i kanë mohuar as nga këto parti. Por, siç kanë bërë të ditur vet Kurti e Limaj ditë më parë ata kanë qëndrime të ndryshme sa i përket mënyrës së bashkëpunimit. Albin Kurti ka thënë se dëshiron bashkëpunim në Qeveri me Limajn, por nuk mund t’ia jap postin e kryetarit të Kuvendit, Limajt. Ky i fundit ka thënë se në këtë kohë nuk është i gatshëm të jetë pjesë e Qeverisë Kurti 3, por se do ta votonte nëse e merr postin e kreyparlamemtarit.
Që nga 15 prilli kur është mbajtë seanca e parë konstituive, deputët kanë dështuar në 23 tentime për konstituim. Të shtunën do të mbahet seanca e radhës.
