Kryeministri Albin Kurti nuk e ka komentuar deklaratën e vartësit të tij, ministrit Liburn Aliut, që tha se Kosova është një projekt i përkohshëm, duke iu referuar aspiratës për bashkim me Shqipërinë që e tha në emisionin “Zanat” në T7.
Kurti nga Gjilani kur u pyet për komentet rreth kësaj deklarate shtoi se nuk e ka pa dhe se në Gjilan është për punën dhe projekte të tjera.
Ai madje tentoi ta minimizojë deklaratën e Aliut duke thënë se është bërë në emision festiv edhe pse kjo nuk është e saktë.
“Nuk po më duhet e përshtatshëm që unë të komentojë emisione televizive që nuk i ka pa, por zëdhënësi im Përparim Kryeziu më tha që ai ka qenë emision festiv, por këtu sot jemi për punë që po bëhen për qytetarët në të mirën e tyre dhe ky është përqendrimi ynë”.
Përderisa kur foli për autostradën e Gjilanit tha se kanë dalë probleme me rrëshqitjen e dheut, për çka sqaroi se duhet të riformatohet kontrata dhe të bëhen edhe disa shpronësime, raporton EO.
“Kosova shtet i pavarur është projekt i përkohshëm”, deklarata e Aliut nxit reagime të shumta
