Gazeta Sinjali mëson ekskluzivisht se djali i një zyrtari policor nga Stacioni i Policisë në Kacanik, është arrestuar si i dyshuar për përfshirje në një rast të rëndë vrasjeje.
Gazeta Sinjali mëson se polici është Ibush Murati, djali i të cilit Granit Murati, është arrestuar si i dyshuar për vrasjen e policit Lika.
Murati, një pjesëtar i Policisë së Kosovës, merr vesh Gazeta Sinjali se prej një kohe gjendet në pushim mjekësor dhe nuk është aktiv në detyrë.
I njëjti ka shërbyer në njësinë policore të Kacanikut, ndërsa aktualisht emri i tij është përmendur në opinion për shkak të përfshirjes së të birit në një rast tragjik që ka tronditur publikun.
Hetimet janë duke u zhvilluar nga organet kompetente, ndërsa për shkak të ndjeshmërisë së rastit dhe lidhjeve familjare me një zyrtar të uniformës, çështja është duke u trajtuar me kujdes të shtuar procedural.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata
