Lidhja Demokratike e Kosovës ka dorëzuar lëndën për Komisionin për Votim të Fshehtë në Gjykatën Kushtetuese të Kosovës.
Pyetja e LDK-së për Kushtetuesen është se “a ka të drejtë kryesuesi i Kuvendit, deputeti më i vjetër, Avni Dehari, që të vazhdojë t’i ftojë deputetët që ta zgjedhin komisionin për votimin e fshehtë?”.
Lidhur me këtë, para mediave është deklaruar Shkëmb Manaj nga LDK.
“Nuk ka vullnet politik ta ndryshojë rendin e ditës në seancën konstituive”, ka deklaruar Manaj.
Manaj tutje thotë se LDK kërkon nga kryesuesi i seancave konstituive, Avni Dehari që t’i kthehet rendit të ditës, dhe kështu të vazhdohet me votimin e kryetarit/es së Kuvendit të Kosovës.
