Deputetja e Lidhjes Demokratike të Kosovës, Jehona Lushtaku-Sadriu, ka deklaruar se LDK nuk do ta mbështesë Albulena Haxhiun për kryetare të Kuvendit.
Ajo theksoi se LDK ka qenë e qëndrueshme që nga fillimi dhe nuk do të ndryshojë pozicionin, njofton Klankosova.
Ne jemi shumë konsistentë dhe po e mbajmë qëndrimin që vërtet prej fillimit e kemi thënë. Nuk pritet asnjë ndryshim nga ana e LDK-së, sepse i kemi të qarta qëndrimet” tha Lushtaku-Sadriu.
Ndërkohë, Albulena Haxhiu nuk arriti të zgjidhet as në tentativën e gjashtë, kur u hodh në votim kandidatura e saj për kryetare të Kuvendit.
