Janë të shpeshta rastet kur linjat e autobusëve pranojnë udhëtarë më shumë sesa kapaciteti i ulëseve që i kanë. Kësisoj një numër i konsiderueshëm i udhëtarëve mbesin edhe në këmbë, kështu mbingarkesa mund të shkaktoj rrezikim të sigurisë të udhëtarëve, shkruan Gazeta Sinjali.
Sinjalizues të Gazetës Sinjali së fundi kanë dërguar video ku shihet se në autobusin e linjës Prishtinë-Prizren kanë hyrë një numër i madh i udhëtarëve.
Përveç personave që janë ulur në ulëset për udhëtarë, një numër i madh i tyre shihen duke qëndruar në këmbë.
Madje, sinjalizuesi i cili thotë se pamjet janë xhiruar në autobusin e kompanisë Bashkimi Reisen, deklaron se pas pagesës së biletës, nuk i është dhënë kuponi fiskal.
