Ministri i Mbrojtjes së Izraelit, Israel Katz, deklaroi se Irani ka “kaluar vijat e kuqe” duke lëshuar raketa ndaj qendrave të banuara civile dhe paralajmëroi se Teherani do të paguajë një “çmim shumë të rëndë” për veprimet e tij.
Policia izraelite u bën thirrje qytetarëve të shmangin zonat ku kanë rënë raketat balistike iraniane
Policia izraelite ka kërkuar nga publiku që të mos i afrohet vendeve ku kanë rënë raketat balistike iraniane.
“Njësitë e përforcuara dhe të trajnuara të Policisë së Izraelit, përfshirë ekipet taktike, skuadrat e reagimit emergjent dhe vullnetarët, janë të dislokuara plotësisht në të gjithë vendin. Këto ekipe do të arrijnë shpejt në çdo vendngjarje, do të sigurojnë zonën dhe do t’i mundësojnë ekspertëve të shpërthimeve të neutralizojnë kërcënimet, ndërkohë që kryejnë operacione shpëtimi sipas nevojës,” thuhet në një deklaratë të Zyrës së Zëdhënësit të Policisë.
Policia u ka bërë thirrje qytetarëve që të mos prekin municionet apo mbeturinat.
“Policia e Izraelit u bën thirrje të gjithë qytetarëve që të mos grumbullohen apo t’u afrohen vendeve të goditjes, në mënyrë që të shmanget çdo rrezik i panevojshëm për jetën,” thuhet më tej./Raporto24/
Irani pretendon se ka rrëzuar të paktën dy avionë izraelitë në hapësirën ajrore iraniane
