Një rast mjaft emocionues ndodhi sot në mëngjes në Prishtinë. Doktori Shpejtim Aliu, arriti që ta shpëtojë një qytetar i cili ishte i shtrirë pa shenja jete.
Rasti ka ndodhur në lagjen Bregu i Diellit, në rrugën “Hilmi Rakovica” përball Postës së Vogël.
“Ngjarja ka ndodhur në Bregun e Diellit. Unë isha duke kaluar me veturë dhe pashë aty disa njerëz të grumbulluar afër një kafeterie. Aty ishte policia, unë u afrova dhe pashë një person të shtrirë. I pyeta, a ka mjek? Më thanë jo. Personi s’kishte puls. Vazhdova reanimin Kardio Pulmonar, frymëmarrje gojë më gojë dhe iu kthyen shenja vitale. Më pas erdhi edhe ambulanca dhe e mori” – tregoi doktor Aliu në Klan.
