Ministri në detyrë i Bujqësisë, Pylltarisë dhe Zhvillimit Rural, Faton Peci, është intervistuar për pesë orë nga hetuesit e Prokurorisë Speciale në cilësinë e të dyshuarit, në lidhje me kontratën 60-milionëshe për funksionalizimin e fabrikës për përpunimin e mbetjeve shtazore.
Pas intervistës, Peci është liruar në procedurë të rregullt, pa ndonjë masë ndalimi, gjë që është konfirmuar nga prokurori i rastit, Admir Shala.
Menjëherë pas lirimit, avokati i tij, Taulant Hodaj, ka publikuar një fotografi me ministrin Peci, në të cilën ky i fundit shihet i buzëqeshur, duke dhënë një mesazh të qetësisë pas hetimeve intensive,shkruan Raporto24
Po të njëjtën ditë, hetuesit e Prokurorisë Speciale kanë intervistuar edhe kryeshefin e Agjencisë së Ushqimit dhe Veterinarisë, Bekim Hoxha, si pjesë e hetimeve për tenderin e dyshimtë./Raporto24
