Pas fitores në “Big Brother VIP Albania 4”, Gjesti nuk po humbet kohë për të mbetur në qendër të vëmendjes. Ai pritet të shfaqet si i ftuari special në episodin e radhës të emisionit humoristik “Portokalli”, shkruan Raporto24.
Episodi do të transmetohet të mërkurën, në orën 19:00, nga studiot e Top Channel, ku publiku do të ketë mundësinë ta ndjekë fituesin e BBV në një format ndryshe.
Pas një rrugëtimi të suksesshëm në shtëpinë më të famshme në vend, Gjesti duket i vendosur të eksplorojë mundësi të reja, duke u pozicionuar mes televizionit dhe muzikës – një kapitull i ri që sapo ka nisur.
