Një përleshje mes shqiptarëve dhe serbëve ka ndodhur sot në veri të vendit. Lajmin për Raporto24 e ka konfirmuar zëdhënësi i Policisë për rajonin e Mitrovicës së Veriut, Veton Elshani.
Sipas tij, një person është dërguar për trajtim mjekësor, ndërsa dy të tjerë janë shoqëruar për intervistim.
“Rasti është nën hetim. Një i lënduar është dërguar për trajtim, ndërsa dy të tjerë janë duke u intervistuar”, tha Elshani.
Sipas Policisë, për momentin situata është nën kontroll.
