Kryeministri në detyrë i Kosovës, Albin Kurti ka folur rreth arrestimit të pesë personave të dyshuar për bashkëpunim me shërbimin sekret serb (BIA).
Kurti ka thënë se arrestimi i tyre është rezultat i operacioneve të suksesshme nga AKI, Policia dhe Prokuroria, transmeton Telegrafi.
Arrestimi i pesë personave të dyshuar për bashkëpunim me shërbimin sekret serb (BIA), brenda pak më shumë se një viti (tre shqiptarë dhe dy serbë), është rezultat i operacioneve të suksesshme të udhëhequra nga Agjencia e Kosovës për Inteligjencë (AKI), në bashkëpunim me Policinë dhe Prokurorinë. Këto raste, përveçse dëshmojnë përpjekjet e vazhdueshme të Serbisë për destabilizim, konfirmojnë suksesin tonë në zbulimin dhe çmontimin e rrjeteve të inteligjencës serbe në Kosovë”, ka shkruar Kurti në profilin e tij në Facebook.
