Krijuesi i “Peaky Blinders”, Stephen Knight, ka konfirmuar se seriali i ri i ardhshëm do të xhirohet në Birmingham. Muajin e kaluar, dolën raportime se ishte në proces një serial i ri i vendosur në vitet 1950 dhe me bandën kriminale “Peaky Blinders”. Steven Knight ka konfirmuar zyrtarisht se seriali do të rikthehet dhe do të xhirohet në Birmingham.
“Ka një serial të ri dhe ajo që është e mrekullueshme për Birminghamin është se do të xhirohet këtu”, tha ai për BirminghamLive.
“Birmingham është shtëpia e Peaky Blinders, kështu që është e drejtë që kapitulli tjetër i historisë së tyre të filmohet këtu, në qytetin ku filloi gjithçka. Po punoj ngushtë me Steven Knight për ta bërë këtë të ndodhë dhe jam i kënaqur që jemi në rrugën e duhur për ta sjellë këtë prodhim ikonik përsëri në Birmingham”, shtoi kryetari i bashkisë së West Midlands, Richard Parker.
Steven Knight kishte bërë referenca për një serial të mundshëm në të ardhmen, duke lënë të kuptohet se planifikon të “përqendrohet te brezi i ri në një serial të vendosur pas Luftës së Dytë Botërore”. Seriali do të ndjekë filmin e ardhshëm “The Immortal Man”, një vazhdim i serialit “Peaky Blinders”, në të cilin ylli Cillian Murphy do të rikthehet si Tommy Shelby, me Stephen Knight që shkruan skenarin dhe Tom Harper që bën regjinë.
Në shkurt, Knight i tha BBC Breakfast: Mund të thoja se nuk do ta bëja, por ajo është fantastike. Mendoj se kemi aktorët më të mirë britanikë së bashku. Është diçka e pabesueshme. Është një mënyrë shumë e përshtatshme për ta përfunduar këtë pjesë të historisë.
