Përgjatë ditës së marte, policia e Kosovës ka dalë në terren për të kontrolluar kafenetë dhe restorantet për të parë nga afër se sa po respektohen masat anti-Covid19.
Me masat e fundit, duhet respektuar distanca fizike, gjë e cila duket se nuk po respektohet sa duhet nga disa gastronomë.
Vlen të përmendim faktin se në 24 orët e fundit policia e Kosovës ka shqiptuar hiç më pak se 545 tiketa në bazë të ligjit anti-Covid.
Ndryshe, sot gjatë ditës Ministria e Shëndetësisë do të mbajë një takim me krerët e institucioneve shëndetësore dhe të tjerët për të diskutuar zbatimin e masave kundër Covid19, dhe ndërmarrjen e masave të tjera.
