Sektori i Hetimeve të Kryeqytetit, me autorizim nga prokuroria kompetente, ka publikuar një thirrje për ndihmë nga qytetarët lidhur me identifikimin e një personi të dyshuar për përfshirje në një rast grabitjeje.
Në komunikatën zyrtare thuhet se personi i dyshuar shihet në një fotografi të bërë publike dhe se informacionet që mund të ndihmojnë në identifikimin e tij janë të mirëseardhura dhe jetike për vijimin e hetimeve.
Autoritetet policore ftojnë të gjithë ata që kanë informacion relevant të kontaktojnë Policinë e Kosovës në numrin pa pagesë 192 ose përmes adresës elektronike: [email protected].
