Babaj i Bokës, 3 qershor 2025 – Presidentja e Republikës së Kosovës, Vjosa Osmani, ka marrë pjesë sot në një nga momentet kyçe të ushtrimit ndërkombëtar DEFENDER Europe 2025, duke vlerësuar lart rolin e Forcës së Sigurisë së Kosovës dhe aleatëve ndërkombëtarë.
“Në zemër të DEFENDER Europe 2025, ndjeva krenarinë që vetëm ushtria e Kosovës mund ta japë,” ka deklaruar Presidentja Osmani. “Si Komandante Supreme, pata nderin t’i falënderoj dhe përgëzoj forcat tona për rezultatin e arritur, si dhe aleatët tanë të pathyeshëm, sidomos Divizionin e 28-të të Ushtrisë Amerikane, i cili po e drejton këtë ushtrim historik.”
Sipas saj, ky ushtrim është dëshmi e qartë se Kosova është një partnere e përkushtuar, e aftë dhe e gatshme për të qëndruar përkrah Shteteve të Bashkuara dhe NATO-s.
“FSK është krenaria jonë. Aleanca është forca jonë! E ardhmja jonë është euroatlantike,” përfundoi Presidentja Osmani./Raporto24/
