Prishtinë, 3 qershor 2025 – Presidentja e Republikës së Kosovës, Vjosa Osmani, në bazë të kompetencave kushtetuese, ka ftuar subjektet politike për konsultime lidhur me caktimin e datës së zgjedhjeve lokale.
Takimi do të mbahet të mërkurën, më 4 qershor 2025, në Presidencë. Pas përfundimit të konsultimeve me partitë politike, Presidentja Osmani pritet të caktojë zyrtarisht datën e mbajtjes së zgjedhjeve lokale.
Lajmin e ka konfirmuar këshilltari për media i Presidentes, Bekim Kupina./Raporto24/
