Presidentja e Republikës së Kosovës, Vjosa Osmani, ka bërë homazhe në memorialin e dëshmorëve në Vrellë të Istogut, në kuadër të aktiviteteve për Ditën e Çlirimit të Istogut.
Përmes një postimi në Facebook, Osmani u shpreh se kjo ditë është një kujtesë e fortë për sakrificën sublime të bijve dhe bijave më të denjë të kombit shqiptar.
“Në Ditën e Çlirimit të Istogut, u përkulëm me nderim para dëshmorëve të Ushtrisë Çlirimtare të Kosovës, bijve e bijave më të denjë të kombit tonë, që u flijuan për lirinë që gëzojmë sot,” shkroi presidentja.
Ajo theksoi se memoriali në Vrellë nuk është vetëm vend kujtese, por edhe një simbol i qëndresës, sakrificës dhe themeleve mbi të cilat është ndërtuar shteti i Kosovës,trasmeton Raporto24
“Ky memorial në Vrellë të Istogut është vend kujtese, por edhe themel i shtetit tonë dhe simbol i sakrificës që nuk harrohet kurrë,” u shpreh Osmani.
Në fund, Presidentja shprehu mirënjohje të përjetshme për të gjithë ata që dhanë jetën për lirinë:
“Lavdi e përjetshme dëshmorëve tanë!”
