Presidentja e Republikës së Kosovës, Vjosa Osmani, ka mbërritur sot në bazilikën “Shën Pjetri” në Vatikan, ku po merr pjesë në ceremoninë mortore për Papë Françeskun. Ajo kryeson delegacionin shtetëror të Kosovës në këtë ngjarje të rëndësishme.
Gjatë qëndrimit në Vatikan, Presidentja Osmani është takuar dhe ka biseduar edhe me Presidentin amerikan Donald Trump dhe Zonjën e Parë, Melania Trump, para fillimit të ceremonisë. Ky moment nënvizon rëndësinë e pjesëmarrjes së Kosovës në ngjarje të tilla ndërkombëtare dhe përkushtimin e saj për të ndërtuar ura bashkëpunimi me liderë botërorë.
Ceremonia mortore po mbahet në një atmosferë solemniteti të lartë, ku të pranishëm janë liderë shtetërorë dhe personalitete të shumta nga e gjithë bota./Raporto24
