No menu items!

Prokuroria Speciale po e heton kontratën për dy urat e reja mbi Ibër

Prokuroria Speciale e Republikës së Kosovës ka konfirmuar se ka filluar një hetim lidhur me kontratën për ndërtimin e dy urave të reja mbi lumin Ibër në Mitrovicë, projekt që tashmë ka hyrë në fazën e zbatimit që nga 1 korriku, kur u vendosën gurthemelet, raporton Gazeta Sinjali.

Në një njoftim për media, kjo prokurori sqaron se nuk ka asnjë rol në miratimin apo vlerësimin e projekteve infrastrukturore, por detyra e saj ligjore është që të ndërhyjë kur ka dyshime për keqpërdorim të fondeve publike.

Prokuroria Speciale nuk e ka në kompentencë të vlerësojë apo të aprovojë ndonjë projekt infrastrukturor, por theksojmë se roli i PS-së është të veprojë bazuar në ligjet në fuqi, në rastet kur ekzistojnë dyshime për keqpërdorim të fondeve publike. PS-ja, nëpërmjet pesë prokurorëve të angazhuar, i ka aktualisht në trajtim afër 2 mijë kontrata një burimore. Bazuar në këtë, Prokuroria Speciale ka autorizuar Policinë e Kosovës të ndërmarrë veprimet e nevojshme hetimore me qëllim të konstatimit të drejtë të gjendjes faktike për të gjitha dyshimet lidhur me rastin, në përputhje me Kodin e Procedurës Penale. Ky hetim nuk ka të bëjë me ndonjë kundërshtim ndaj projektit në fjalë, por me përmbushjen e obligimeve ligjore, në mbrojtje të interesit publik dhe sundimit të ligjit, në mënyrë që të garantohet një administrim i drejtë dhe ligjor i resurseve publike”, thuhet në përgjigjen e kësaj Prokurorie.

Të fundit

LEXONI GJITHASHTU

Raporto24
Përmbledhje e privatësisë

Kjo faqe përdor cookie në mënyrë që t'ju ofrojmë përvojën më të mirë të shfletimit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë dhe ndihmon ekipin tonë të kuptojë se cilat pjesë të faqes ju duken më interesante dhe të dobishme.