Personi i njohur si “arbitri më i pasur në botë”, Bjorn Kuipers, do të gjykojë finalen e Euro2020 midis Italisë dhe Anglisë.
Arbitri holandez, që thuhet se ka një pasuri që shkon deri në 11.5 milionë euro, do të ketë fatin të jetë në mesin e yjeve.
Kuipers bashkë-themeloi rrjetin e supermarketeve Jumbo Kuipers në Holandë dhe ka një diplomë për administrim biznesi në Universitetin Radboud në Nijmegen.
Ky rrjet supermarketesh sponsorizon yllin e Formula One, Max Verstappen dhe Kuipers ka aq para në bankë sa do t’i mjaftonin edhe nëse dilte në pension.
Por ai me të njëjtën pasion, nuk e humb mundësinë për të arbitruar ndeshje të mëdha.
