Mbi 68 mijë pacientë kanë kryer shërbime dhe ekzaminime mjekësore, në kuadër të Klinikës Emergjente, në nëntë muajt e parë të këtij viti, duke e bërë institucionin më të ngarkuar dhe me shumë punë, në Kosovë.
Nga numri i përgjithshëm i pacientëve, 7 mijë e 224 pacientë janë pranuar për trajtim të mëtejmë nga klinikat përkatëse të QKUK-së, kurse janë kryer edhe 995 operacione emergjente mjekësore, thuhet në njoftim të SHSKUK.
Numri i vizitave sipas profileve mjekësore
-16 mijë e 602 pacientë në dhomë të Reanimimit
-20 mijë e 502 pacientë në dhomën Internistike
-11mijë e 341 pacientë në dhomën e Kirurgjisë
-14 mijë e 398 pacientë në dhomën e Ortopedisë
