Këngëtarja shqiptare Ronela Hajati ka tërhequr vëmendjen e ndjekësve në rrjetet sociale, pasi ka publikuar një fotografi të re nga pushimet, që ka nxitur spekulime të shumta.
Në foton e ndarë me ndjekësit, ajo shihet duke shijuar momentet në plazh, në shoqëri të një mashkulli, identiteti i të cilit nuk bëhet i ditur. Në imazh duken vetëm flokët e tij, pa asnjë detaj tjetër që mund ta zbulojë se kush është.
Postimi nuk është shoqëruar me asnjë përshkrim apo sqarim nga vetë artistja, gjë që ka shtuar edhe më shumë kuriozitetin e publikut dhe ka nxitur reagime në komente.
Ndjekësit kanë reaguar menjëherë, duke sugjeruar se këngëtarja mund të jetë në një lidhje të re dhe e kanë përgëzuar për dashurinë e mundshme. Komentet e mbushura me zemra dhe urime nuk kanë munguar.
Edhe pse artistja nuk ka dhënë ende një reagim zyrtar, afërsia dhe atmosfera intime e fotos kanë shtuar dyshimet për një romancë të re në jetën e saj personale. Për momentin, fansave u mbetet të presin nëse Ronela do të zbulojë më shumë.
