Avokati Naim Rudari ka reaguar në lidhje me një vendim të Gjykatës së Apelit, ku sipas tij në një rast të gjykuar gabimisht nga Gjykata Themelore në Pejë, Gjykata e Apelit tani vërteton aktgjykimin DËNUES të gjykatës së shkallës së parë edhe pse çështja është përfshirë me PARASHKRIM ABSOLUT të ndjekjes penale.
“Gjykata e Apelit arsyeton kinse “në këto situata duke pasur parasysh se kemi të bëjmë me një vepër penale, ZBATOHET ligji i cili ka qenë në fuqi në momentin e ndërmarrjes së VEPRIMIT të FUNDIT””, ka thënë Rudari.
Pra, sipas tij, me qëllim të fshehjes së parashkrimit absolut të ndjekjes penale, rikualifikojnë veprën penale duke marrë për zbatim ligjin i cili nuk qenë në fuqi në kohën e pretendimit të kryerjes së veprës penale e po ashtu aplikojnë ligjin më të DISFAVORSHËM për kryesit.
Ai thotë se nga Gjykata e Apelit tani është shkelur një nga parimet fundamentale të drejtësisë pra Zbatimi i ligjit që ka qenë në fuqi në kohën e kryerjes së veprës penale dhe ligjit që është më i favorshëm për kryesin.
“Gjyqtarë të Gjykatës Supreme të Kosovës, ju lutemi mbroni parimet e drejtësisë dhe të drejtat e qytetarëve nga vendimet e pa drejta e të qëllimshme të gjyqtarëve. në këtë çështje ka disa palë të dëmtuara por jo siç është gjykuar!”, ka thënë avokati./Raporto24/
