Deputeti i Lëvizjes Vetëvendosje, Sali Zyba, ka reaguar përmes një postimi në Facebook, duke akuzuar Partinë Demokratike të Kosovës (PDK) për një veprim të pazakontë gjatë seancës së sotme në Kuvend.
Sipas Zybas, befasia e seancës nuk ishte mosvotimi i opozitës, por “dhurata” që grupi parlamentar i PDK-së i kishte bërë deputetit të Listës Serbe, Slavko Simiq, për ditëlindjen e tij – një tortë e dërguar përmes një asistenti apo këshilltari të këtij subjekti.
“Për detajet e festës është mirë të na tregojë vet kjo parti, PDK,” ka shkruar Zyba me ironi.
Ky reagim ka nxitur debat në rrjete sociale, sidomos për shkak të ndjeshmërisë politike që shoqëron bashkëpunimet me Listën Serbe në Kuvendin e Kosovës./Raporto24
