Seria e Samsung Galaxy S24 ka gjasa të vijë me veçorinë për komunikim satelitor, sipas detajeve të ndara nga një ekzekutiv i kompanisë.
Sipas raportimeve, konglomerati i teknologjisë së Koresë së Jugut po përgatitej të ofronte mbështetje për komunikimin satelitor në telefonat inteligjentë që lansohen vitin e ardhshëm, transmeton Telegrafi.
Seria e telefonave inteligjentë e Samsung Galaxy S24, pritet të debutojë në tremujorin e parë të vitit 2024, dhe nëse kjo veçori arrihet, këta do të jenë telefonat e parë me këtë funksion.
Bazuar në raportime, kompania tashmë ka bërë përgatitje për të ofruar komunikimet me satelit.
Apple vitin e kaluar lansoi një veçori të komunikimit satelitor në serinë e iPhone 14, por me përdorim të kufizuar në kuadër të funksionit SOS. Në rast se një përdorues nuk ka qasje të rregullt celulare, ose internet, atëherë mund të dërgojë një sinjal tek autoritetet emergjente përmes satelitit nëse është në rrezik.
