No menu items!

Shënon Granit Xhaka, Bayer Leverkuseni siguron titullin historik në Bundesligë

Bayer Leverkuseni ka shkruar historinë duke fituar titullin e parë të kampionit në Bundesligë.

Në ndeshjen e vlefshme për javën e 29-të, skuadra e drejtuar nga Xabi Alonso triumfoi me lehtësi 5:0 ndaj Werder Bremenit.

Kjo fitore i mjaftoi “Farmaceutikëve” për të siguruar edhe matematikisht titullin e kampionit, pesë xhiro para fundit të sezonit 2023/24.

Granit Xhaka edhe sonte ishte fantastik, teksa kontribuoi me gol në fitoren e skuadrës së tij.

Ai shënoi gol të bukur nga distanca në minutën e 60-të. Paraprakisht kishte shënuar nga penalltia Victor Boniface (25’).

Florian Wirtz (68’, 83′, 90′) shënoi të dy golat tjerë.

Bayer Leverkuseni pas kësaj fitore ka 79 pikë, 16 më shumë se Bayern Munichi dhe Stuttgarti.

Për skuadrën e Alonsos ishte kjo fitorja e 25-të e këtij sezoni në elitën e futbollit gjerman, krahas katër barazimeve – teksa ende nuk njeh humbje.

Vlen të theksohet se ky është titulli i parë i kampionit në historinë e klubit nga Leverkuseni

 

Të fundit

LEXONI GJITHASHTU

Raporto24
Përmbledhje e privatësisë

Kjo faqe përdor cookie në mënyrë që t'ju ofrojmë përvojën më të mirë të shfletimit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë dhe ndihmon ekipin tonë të kuptojë se cilat pjesë të faqes ju duken më interesante dhe të dobishme.