Kombëtarja shqiptare do ta mbyllë sonte me festë kampanjën fantastike kualifikuese.
Në Tiranë sonte do të ketë festë dhe rezultati i ndeshjes do të kalojë në plan të dytë, shkruan “Gazeta Express”.
Kuqezinjtë do t’i bëjnë konak Ishujve Faroe, në ndeshjen mbyllëse të eliminatoreve për Euro 2024.
Ekipi i trajnerit Sylvinho e siguroi kualifikimin e dytë në Kampionat Evropian pas barazimit me Moldavinë 1:1 pak ditë më parë, por edhe falë pikëve të nxjerra në ndeshjet paraprake.
Festa kuqezi do të nisë gjatë ditës dhe do të vazhdojë deri në orët e hershme të mëngjesit të nesërm.
Shqipëria prin në Grupin E të kualifikimeve për Evropian me 14 pikë, prej tyre 4 fitore, 2 barazime e 1 humbje.
Ndeshja e sontme mes Shqipërisë dhe Ishujve Faroe do të luhet në stadiumin “Air Albania” duke filluar nga ora 20:45. /
