France Football ka shkaktuar skandal në ceremoninë e Topit të Artë, duke lejuar një person të padisiplinuar si Novak Djokovic të ndajë trofeun për Aitana Bonmatin.
Futbollistja 25 vjeçare shijoi një sezon mahnitës 2022-23 për klubin dhe vendin.
Mesfushorja fitoi Primera Division, Ligën e Kampionëve për femra dhe Superkupën e Spanjës me Barcelonën.
Më pas ajo u emërua lojtarja e turneut pasi frymëzoi Spanjën në fitimin e Kupës së Botës për femra.
Megjithatë, derisa ceremonia po shkonte si është më së miri, France Football kishte vendosur që teniseri i padisiplinuar të ndante Topin e Artë për Bonmatin.
Ai jo vetëm që bëri një prezantim skandaloz, por edhe harroi ta dorëzonte Topin e Artë në duart e futbollistes spanjolle.
Bonmati mbeti e shtangur në podium, ndërsa u dashtë ndërhyrja e Didier Drogbas (që ishte prezantues i ceremonisë) për t’ia kujtuar nacionalistit serb se duhej t’ia kishte ofruar trofeun.
Madje, shumë lexues të SunSport kritikuar France Football për lejimin e Djokovic që të ndante çmimin, duke ditur se ai në të kaluarën ka thënë se burrat dhe gratë në sport nuk mund të kenë pagë të njëjtë.
Një lexues shkroi: “Unë nuk e kuptoj pse Djokovic e prezantoi këtë çmim. Ai nuk është as feminist apo mbështetës i grave në sport! Ai ka dalë kundër pagës së barabartë në tenis!!!”.
Një tjetër shkroi: “Nuk e kuptoj vërtet pse po dëgjonim për arritjet dhe karrierën e Novak Djokovic, kur fokusi duhej të ishte te gratë e talentuara, por gjithsesi, ka ende një rrugë të gjatë për të bërë përpara se futbolli i grave të konsiderohet i barabartë me lojën e meshkujve”.
I treti shtoi: “Vërtet nuk e kuptoj pse Djokovic u zgjodh për të dhuruar Topin e Artë për gra. Me gjithë botën që e shikonte, kjo ishte një mundësi për të festuar gratë. Një mundësi për të promovuar barazinë gjinore. Kjo ceremoni dështoi dhe ishte skandaloze”. /Telegrafi/
⚽️✨ AITANA BONMATI WON THE 2023 WOMEN’S BALLON D’OR! #ballondor pic.twitter.com/HOQ6YYBJlw
— Ballon d'Or #ballondor (@ballondor) October 30, 2023
