Sekretari i Përgjithshëm i NATO-s, Jens Stoltenberg, ka kërkuar nga anëtarët e NATO-s që të dërgojnë në mënyrë të përshpejtuar sa më shumë ndihma ushtarake në Ukrainë, për të evituar “gabimin e madh historik” që Rusia të fitojë në fushën e betejës.
Stoltenbergu ka thënë se ukrainasve nuk “po u shpenzohet kurajo, por municioni”, raportoi Sky News.
“Së bashku e kemi kapacitetin që ta furnizojmë Ukrainën me atë që i nevojitet”, është shprehur të enjten Stoltenbergu, gjatë fjalimit të tij derisa po shpaloste raportin e vitit 2023.
Shtetet e NATO-s duhet të veprojnë shpejtë sipas tij, pasi vonesat do të çojnë në pasoja të mëdha në fushën e betejës”, sipas tij.
“Ky është një moment kritik. Do të jetë një gabim i madh historik nëse e lejojmë Putinin të triumfojë”, ka thënë Stoltenberg.
