Sekretari i NATO-së, Jens Stoltenberg ka folur para mediave pas takimit që ka pasur me kryeministrin e Kosovës, Albin Kurtin.
Stoltenberg nuk ka lënë pa e përmendur zotimin NATO-Thaçi për mos-hyrjen e FSK-së në veri pa marrëveshje me KFOR-in, të cilën Kurti e cilësonte si “marrëveshje sekrete” dhe të cilën e kishte dërguar në Prokurori, shkruan lajmi.net.
“Kjo është diskutuar dhe e mirëpres që autoritet e Kosovës vazhdojnë të mbështetësin marrëveshjen e vitit 2018, që FSK të mos kalojë në pjesën veriore pa marrëveshjen e KFOR-it.Kjo reflekton sensitiviten e situatës dhe është mënyra më e mirë për të gjetur një balanc. Ne vazhdojmë të mbështesim zgjidhjen e një marrëveshjeje politike në kuadër të dialogut Prishtinë –Beograd”, tha ai.
Ai po ashtu tha se marrëveshja është valide për të gjitha vendet dhe se e njëjta nënshkruhet me personat që janë në pozitat e tyre.
Madje tha se është përgjegjësi që kjo marrëveshje të zbatohet.
E se kjo çështje është diskutuar në takimin e kryeministrit me Sekretarin e NATO-s nuk u përmend fare në komunikatën e lëshuar më herët gjatë ditës nga qeveria e Kosovës.
