Të shtëna me armë zjarri janë dëgjuar në mesnatë, më 13 maj, në afërsi të rrugës B në Prishtinë, duke shkaktuar panik te banorët e zonës.
Sipas pamjeve te xhiruar nga Raporto24 plumbat kanë goditur disa vetura të parkuara, përfshirë një veturë të tipit BMW, e cila ka pësuar dëmtime të konsiderueshme. Xhamat e saj janë thyer, plumbat kanë depërtuar brenda makinës dhe gomat janë shfryrë, shkruan Raporto24.
Nga vendi i ngjarjes është raportuar për një përleshje fizike mes disa personave, e cila më pas ka eskaluar në të shtëna me armë zjarri, fatmirësisht pa pasoja në njerëz.
Burime të Raporto24 bëjnë të ditur se më 16 maj, në orët e vona të mbrëmjes, Policia e Kosovës ka intervistuar Shkëlqim Kastratin si person të dyshuar lidhur me këtë incident. Dyshohet se plumbat janë shtënë në drejtim të një personi me inicialet F.Sh., me të cilin i dyshuari kishte pasur konflikt të drejtpërdrejtë para të shtënave./Raporto24
Të shtëna armësh në rrugën B – intervistohet Shkëlqim Kastrati si i dyshuar
