Një rast i rëndë është regjistruar sot në komunën e Vitisë, ku dy persona janë arrestuar nga Policia e Kosovës nën dyshimin për përfshirje në një tentim vrasje. Sipas burimeve të Gazetës Sinjali, gjatë incidentit është përdorur armë zjarri, duke rrezikuar jetën e viktimës si dhe sigurinë e të tjerëve në vendin e ngjarjes.
Për shkak të natyrës së rrezikshme të veprës, rasti po trajtohet gjithashtu edhe si “shkaktim i rrezikut të përgjithshëm”. Hetimet janë ende në zhvillim, ndërsa autoritetet po punojnë për të zbardhur motivet dhe rrethanat e sakta të incidentit.
Detaje shtesë priten të konfirmohen nga institucionet përkatëse./Raporto24/
