Presidenti i Shteteve të Bashkuara, Donald Trump, ka reaguar pas bisedës telefonike dy-orëshe që zhvilloi me presidentin rus, Vladimir Putin, shkruan Gazeta Sinjali.
Përmes një postimi në rrjetin e tij social, Truth Social, Trump deklaroi se telefonata shkoi “shumë mirë” dhe se pret që Rusia dhe Ukraina të fillojnë menjëherë negociatat për një armëpushim.
Sipas Trump, arritja e një marrëveshjeje për ndërprerjen e luftimeve do të varet nga vetë palët ndërluftuese.
“Kushtet për një armëpushim do të jenë një negociatë midis Ukrainës dhe Rusisë, sepse ata i dinë detajet e një marrëveshjeje për të cilën askush tjetër nuk do të ishte në dijeni,” shkroi ai.
Trump vlerësoi gjithashtu atmosferën e bisedës me liderin rus.
“Toni dhe fryma e bisedës ishin të shkëlqyera. Nëse nuk do të ishte kështu, do ta thosha që tani”.
