Hyrja e Gjestit në shtëpinë e “Big Brother VIP 4” ka sjellë ndryshime të dukshme në dinamikën e lojës.
Përplasjet e tij të ashpra me disa banorë kanë krijuar tension, ndërsa marrëdhëniet e mira me të tjerët, si ajo me Eglin, kanë sjellë edhe momente argëtuese për shikuesit, shkruan Raporto24.
Egli ka qenë një ndër ata që shpesh i ka qëndruar pranë gjatë debateve, por marrëdhënia e tyre nuk kufizohet vetëm te mbështetja. Dyshja e ka shfaqur shpesh kiminë përmes ngacmimeve dhe batutave të vazhdueshme.
Në një moment të fundit, teksa ishin në dhomën e gjumit, Gjesti e provokoi Eglin duke i thënë:
“A puthemi?”
Kur ajo e refuzoi, ai nuk ndaloi së bërë humor:
“Nuk ke shan ti buzët e mia t’i shijosh.”
Në vazhdim, ai e ironizoi situatën:
“Unë duke dashur me u puth, me u kënaq, ti je duke bërë filma.”
Por Egli reagoi menjëherë, duke e shikuar drejt në sy dhe i bëri me shenjë të mos fliste më, duke krijuar një moment të papritur mes tyre.
Shkëmbime të tilla mes Gjestit dhe Eglit vazhdojnë të krijojnë tension dhe humor, duke i mbajtur shikuesit të intriguar nga zhvillimet e mëtejshme të spektaklit.
