No menu items!

Ylli anglez me vlerë 120 milionë euro nuk ka pirë asnjë birrë në jetën e tij

Ylli anglez Declan Rice premtoi se do të pinte birrën e parë në jetën e tij nëse Anglia do të bëhej kampione evropiane të dielën.

Mesfushori i Arsenalit ka thënë për “The Sun” se në atë rast ndoshta do t’i duhet të mbyllë hundën, sepse e urren erën e birrës.

Edhe tre vjet më parë, Rice parashikoi se do të pinte birrën e tij të parë nëse Anglia fitonte Kampionatin Evropian, por Italia fitoi në finale në Wembley pas një gjuajtjeje më të mirë të penalltive.

Ndërkohë, Rice thotë se tashmë ka pirë birrë por me shije, ende jo atë të vërtetën.

“Mbaj mend që e thashë këtë (para finales së fundit). Që atëherë, kam pirë një birrë, por e kam pasur limonadë brenda! Nëse fitojmë, do të pi një birrë të duhur. Ndoshta do të më duhet të mbaj hundën, pasi e urrej erën!”, deklaroi asi i mesfushës.

Rica verën që shkoi kompletoi transferimin nga West Ham te Arsenal për 120 milionë euro, duke u kthyer në njërin prej lojtarëve kryesor të gjigantit anglez.

Mesfushori është një nga lojtarët kryesor të Anglisë në Euro 2024, duke luajtur katër ndeshje nga 90 minuta dhe dy nga 120 minuta, pa u zëvendësuar asnjëherë në këtë Kampionat Evropian.

Kujtojmë se Anglia do të luajë kundër Spanjës në finalen e Euro 2024 dhe ai duel është planifikuar të dielën në orën 21:00. /Telegrafi/ 

 

 

Të fundit

LEXONI GJITHASHTU

Raporto24
Përmbledhje e privatësisë

Kjo faqe përdor cookie në mënyrë që t'ju ofrojmë përvojën më të mirë të shfletimit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë dhe ndihmon ekipin tonë të kuptojë se cilat pjesë të faqes ju duken më interesante dhe të dobishme.