Zona mes Pilurit dhe Llamanit në Himarë u përfshi nga flakët mbrëmjen e kaluar, njoftoi kryetari i bashkisë, Vangjel Tavo. Ai publikoi në Facebook video të helikopterëve të ushtrisë që po ndihmonin në shuarjen e zjarrit
“Të gjithë natën strukturat e Mbrojtjes nga Zjarri të Bashkisë Himarë kanë luftuar me përkushtim dhe profesionalizëm për të kontrolluar flakët,” tha Tavo për A2 CNN.
Me koordinimin e Agjencisë Kombëtare të Mbrojtjes Civile, u ndërmor ndërhyrja ajrore me helikopterë, duke ndihmuar në vënien nën kontroll dhe shuarjen e zjarrit.
Përpjekjet për të eliminuar rrezikun për komunitetin dhe mjedisin vazhdojnë pa ndërprerje.
